Dikush ma pat thënë se paraja është si një peshk i rrëshqitshëm – i lehtë për t’u kapur, por i vështirë për t’u mbajtur. Ndoshta mund të mendoni se keni një kontroll të mirë mbi to, por një lëvizje e gabuar dhe ato mun t’ju ikin nga duart më shpejt se sa mund ta thoni fjalën “buxhetim”. Është si një lojë Jenga financiare, ku një lëvizje e gabuar mund të rrëzojë të gjithë kullën.
Fitimi i parave nuk është aq e lehtë. Mund t’i fitoni përmes punës së palodhur, fatit apo edhe trashëgimisë. Por ruajtja e tyre është një histori krejt tjetër. Kur përmendim këtu fjalën ruajtje, flasim për menaxhimin me mençuri të tyre. Por edhe nëse papritur e gjeni veten me një duzinë faturash për të paguar, një shpenzim të papritur dhe një dëshirë për ta trajtuar familjen me një darkë të shtrenjtë.
Është si të përpiqesh të kapësh rërën – sa më fort ta kapësh, aq më shumë ajo rrëshqet nëpër gishta. Kjo u ndodh edhe njerëzve më të pasur në botë. Gjithçka ka të bëjë me gjetjen e ekuilibrit të duhur midis kursimeve dhe shpenzimeve, dhe të mësuarit për t’i thënë “jo” asaj blerjeje impulsive.